Kuadro General
Un biahe di un minister ta hustifiká ora ku:
1. E tin balor agregá pa empresanan ku ta hasi negoshi riba un merkado: kita opstákulo, inisiá tratado, sera ‘deals’, firma MOU (awendia esaki ta instrumento pa koperashon)
2. Tin un konferensia na nivel ministerial i ta esensial pa e minister tei pa sea duna un kontribushon/intervení, trese posishon di pais dilanti, òf risibí un rekonosementu
3. Ta promé biaha ta bishitá e pais pa habri kaminda pa sigui konkretisá koperashon.
4. Ta nesesario pa papia ku invershonistanan grandi pa na nòmber di Gobièrnu duna nan un ‘red carpet treatment’. Tin invershonista no mester di un minister pa konvensé, si e ‘business case’ ta bon kaba.
5. Ta traha raportahe i midi e impakto, i e ‘follow-up’ importante ta tuma lugá di forma konstante i regular, pa e frutanan keda koseschá. Hopi biaha ta tuma tempu, p’esei mester keda konsistente. Ta importanrte pa Gobièrnu mehorá su komunikashon pa pueblo por mira e resultadonan.
Minister Presidente i Minister di Desaroyo Ekonómiko ta responsabel pa respektivamente Relashonnan internashonal i regional, i Relashonnan Ekonómiko Internashonal i Regional. Kada Minister tin su relashonnan internashonal den e área di nan trabou. Pero ta un minister ta responsabel pa Komèrsio internashonal i pa Atrakshon di Invershon Ekstranhero. Esei ta Minister di Desaroyo Ekonómiko. Tin hopi kos por hasi tras di eskritorio, pero ta yega momentu ku ta nesesario pa biaha i papia kara kara ku hende.
“Mi vishon ta, krea un ekonomia resiliente i duradero pa nos generashonnan nobo”
