Enkoneshon ku e selebrashon di “World Water Day” e proyekto PROTEUS™ a wordu presenta na The Weather Channel. Akinan e fundador, Fabien Cousteau, a duna e ultimo desaroyonan pa ku e proyekto aki.
Esakinan ta trabounan ku Minister Cijntje ta pensa i traha riba dje kaminda por ilustra ku nos komo pais chiki por “host” proyektonan grandi manera PROTEUS™. Banda di esaki, proyektonan asinaki tambe ta pone Kòrsou riba mapa mundial.
Kambio di klima
Kambio di Klima tin un impakto grandi riba mundu aworaki, i den nos región, ku kalentamentu di oseano, esaki ta devastador pa bida bou di laman. Koralnan ta birando bleek i ta muriendo, i esaki ta funesto pa e ekosistema bou di laman i pa entreotro piská. Kòrsou dor di protehé parti di su laman, ta garantisá ku koralnan ta keda reprodusí, kual ta hasi posibel pa piská por sigui brui, i sigui oumenta pa nos tin kuminda awe i den futuro i koralnan pa atraé e bishitantenan ku nos ke atraé. Un balorashon di Wait Institute di nos koral ta ilustra ku nan ta genera USD 400 mion pa aña komo atrakshon turistiko. Si nos no kuida nan, i protehá nos naturalesa, nos ta perde e entrada aki.
Sektor Blue Bio Economy: Korsou komo hotspot pa oportunidat di negoshi di biodiversidat
Ministerio di Desaroyo Ekonómiko den su afán pa diversifiká ekonomia i atraé invershonan di impakto a traha un Strategia di Eksportashon pa e sektor di Blue Bio Economy kaminda pa medio di e rikesa prinsipal di nos naturalesa, nos laman, ta mantené su rol komo fuente di desaroyo duradero i di bienestar pa Kòrsou, pero di un forma ku e ta keda garantisá mas largu. Fabian Cousteau a felisitá Gobièrnu di Kòrsou pa e stap aki i a mustra ku Kòrsou ta pionero den Karibe pa ku desaroyo di un plan konkreto pa diversifiká su ekonomia pa via di laman i di un forma duradero. Otro aktividatnan ku ta kai bou di Blue Bio Economy ta peska, turismo di buseo, turismo di playa, energía manera hydrogen i mulina di bientu offshore, transporte marítimo pa karga i turista, ets.
Klek pa wak e entrevista kompletu: Proyekto PROTEUS™ ta aparese na The Weather Channel
